ARTIST CARD KYA HAI? Fake ya Real?

Oh achha!  to aap mazdoor banna chahte ho? Ya junior artist ya fir small worker? Yaa apko  koi union chahiye jo apki raksha kare? Yaa aap taiyyar hai 10-20 saal tak intezaar karne ke liye?

Agar aisa hai to beshak aap artist card bana sakte hai.

Kya Ek Actor ko Artist Card Banwana Zaroori Hai?

Bilkul nahi!

Artist card banane ke baad apko koi bhi film me role mil jayenga,agar aap aisa soch rahe hai to yeh apki galat fehmi hai. Zaroori nahi ke apko role milenga hi.

 “CINTA” hi ek real artist card hai, aur iski bhi zaroorat tab padti hai jab,apko apki payment time par nahi di jaa rahi ho,aapse zyada kaam karaya jaa raha ho,yaa apko kam payment di jaa rahi ho etc.

Jab kisi production house ko kisi bhi scene ke liye crowd ki zaroorat padti hai to unhe CINTA ya “Shiv Sena” association provide karti hai.

Agar apse koi casting director,co-ordinator aapse artist card banwane ki maang kar raha hai,to usme 90% fake hote hai.Unka maqsad aapse paise kamana hai.Wo apko artist card banwane ki maang kartehai.

           1.Artist card junior artist ke liye kaam aa sakta hai, jo professionally trained nahi hai,yaa wo koi bada role play nahi karna chahte. Unka shayad koi dream naa ho ‘star’ banne ke liye. Yaa wo lines thikse yaad nahi kar sakte.

          2. Casting director apko cast nahi karenga,agar aap ek junior artist k taur par registered ho.yaa aapko agar time par payment naa di gyi to aap association ko complain bhi kar sakte hai.

          3. Agar aap educated  ho, professioanally trained ho,yaa film aur tv industry ka knowledge ho to aapko ek behtar chance mil sakta hai films ya tv serials me.Apko artist card holder ke muqaable behtar role mil sakta hai.

          4.Industry ke bahot sare log iss baat ko leker shayad mujse sehmat naa ho. Kyunki Junior artist hona koi buri baat nahi,ye bhi ek kaam hai,proffesion hai.

 Lekin bahot sare actors aise bhi hai, jinhe chhote se role milne ke baad bhi,main lead me cast kiye gaye. Aur aaj wo ek Kamiyab actor hai.

Aapse nivedan hai ke aap jaanch partaal ke baad hi,artist card ke liye pay kare.Agar aap kisi coordinator ke zariye apply kar rahe ho,aur wo apko koi email send kare,jisme Rs.3000 pay karne ko kaha hai,to wo fraud hai.

Fraud Story:

        Ek baar ek aspring actor ko kahi se update milti hai ke kisi film ya tv serials ke online auditions ho rahe hai. Audition update me mention kiya hota hai ke apko apne kuch pictures diye gaye email id par send karne hai. Pictures ke sath sath profile bhi send karne ko kehte hai.Fir kuch din baad use ek phone call aata hai,aur inform kiya jata hai ke, congratulations aap select ho gaye ho.Hum apko Mumbai bulana chahte hai.Apko koi lead role ya supporting role me cast kiya hai. Fir kuch fake agreement papers bhi apko mail kiye jate hai,jisme rules and regulations mention kiye hote hai.Aap itna sara proof dekhne ke baad unpr trust bhi karne lagte hai.Fir wo aapse artist card banwane ko kehte hai,aur fir card registration ke liye online payment karne ko kaha jata hai.Aap agar registration charges de bhi dete ho.To fir unhe samaj aata hai ke apko ullu banana kafi aasan raha.Fir apko Star banne ke bade bade sapne batakar aapse paise nikalwa lete hai.

Reality:

    Agar apko online audition updates mili ho,aur kaha jaye ke apko apne pictures mail ya whatsapp karne hai to aap kardijiye.Kuch auditions aise hote hai,jisme apko apne pictures send karne nahi hote hai,address diya hota hai, waha jakar audition diya jata hai.Agar aap apne pictures send karte hi,aur apko call aata hai ke aapko lead role ya supporting role ke liye cast karliya gaya hai,to samajh jaye ke wo fraud hai,unka maqsad aapse paise nikalwana hota hai.

Jab aap apne pictures casting director ya co-ordinator ko send karte hai,to wo apke pictures ek baar dekhta hai.Director ko lage ke aap uss role ke liye fit ho to wo apko shortlist karte hai, fir apko auditions aur look test ke liye bulaya jata hai.

Kya hote hai Shortlisted Auditions?

Sholay film to sabhi ne dekhi hai,farz kare ke aap ek director hai aur aap Sholay film ki casting kar rahe ho.Apko apni film ke liye Gabbar ka character chahiye,to aap kis tarah ke actor ko shortlist karenge? Zahir si baat hai aap aise actor ko select karenge jispar Gabbar naam suit hota ho,thoda healthy ho,beard ho,villain jaise looks ho. Ya aap Gabbar ke role ke liye kisi lean,six pack abs,handsome hunk,clean shave actor ko to cast nahi karenge naa?

Wahi hota hai shorlisting wale auditions me,agar aap uss character ke liye perfect lagte hai,to apko shorlist kiya jata hai,aur apko auditions ke liye bulaya jata hai.Aur koi artist card ki maang bhi nahi ki jaati.Aur apko pay bhi nahi karna padta hai.

Agar apko artist card ke liye apply karna hai, to niche jinkari di gayi hai

Artist card ke liye lagne wale documents:

.5 Passport size photographs

.PAN card,driving licence,Ration card,Passport,Residental proof,Adhaar card, Voter id (anyone)

1.CINTA
Address: 113,1^st floor,Kartik Complex,New link road,Andheri west,Mumbai 400053

Phone:91-22-26302552,91-22-26730510,26730513

http://www.cintaa.net/home

2.MAHARASHTRA NAVNIRMAN CHITRAPAT KARMCHARI SENA

102,1^ST FLOOR,Umesh Chambers,Telligali Besides  Chatwani Hall,Andheri east,Mumbai 400069

Phone:65147999,26848631

..............................................................................................................................................................