Janiye Top Bollywood Stars Ka Struggling Period |

 Kya aap 5 se 10 saal tak wait kar sakte hai? Kya bina kaam ke aap Mumbai me survive kar sakte hai?

Fame itni aasani se nahi milta,khaskar ek Actor ko.Bahot sare jane mane Stars ko fame itni aasani se nahi mila hai,unhe bahot papad belne pade hai

Amitabh Bachchan,Shahrukh Khan,Madhuri Dixit,Nawazudin Siddiqui,Dharmendra,Boman Irani,jacky shroff,Boman Irani jaise bade Stars ko shuruaat me bahot pareshaniya jhelni padi hai.Unhe bahot baar reject kiya gaya.Unke liye itna aasan nahi tha Bollywood me apna makam banana.Unhone har rejection ko positively liya aur aaj wo successful Star hai.

In Stars me kisi ke paas to rehne ke ghar bhi nahi tha,aur naa hi do waqt ki roti.Lekin unhone in sab chizo ko bakhubi handle kiya,unke hasule ne aaj unhe kamyab Star bana diya.

 Chaliye Jante Hai Kuch Popular Stars Ke Struggle Ke Bareme :

1)Shahrukh Khan:

Film Deewana me Divya Bharti ke opposite sign kiye jane se pehle Bollywood ke Badshah Shahrukh Khan Hotel Oberoi ke paas sadak par soya karte the.Rehne ke liye jagah naa hone ki wajah se Shahrukh apni film Raju Ban Gaya Gentlemen ke director ke me bhi kuch reh chuke hai.Shahrukh ne apne film Kabhi Haan Kabhi Naa! ki tickets khud beche the. Wo apne struggling ke dino ko aaj bhi yaad karte hai.Unki mehnat aur unke sabr ne aaj unhe Superstar bana diya hai.Film DDLJ se unhe ek nayi pehchan mili.DDLJ ke baad Shahrukh ne lagatar hit pe hit di hai.

2)Amitabh Bachchan:

Sadi ke mahanayak Amitabh Bachhan ko ek radio company ne baar baar reject kiya,unka kehna tha ke unki awaz itni khaas nahi hai,aur aaj unki awaz hi unki pehchaan ban gayi.Amitabh Bachchan apne struggling ke dino me Marine drive ke bench par soya karte the.Amitabh Bachhan ne lagatar 12 flops di,fir unhe film Zanjeer ki wajah se attention mila.Big B ka ne 8 saal tak struggle kiya.

3)Madhuri Dixit:

Dhak Dhak Girl Madhuri Dixit ko shuruaat me kuch khaas attention Bollywood se nahi mila.Unho apne carrier ki shuruat film Abodh se ki thi,lekin unhe asli pehchan film Tezaab ne di.Kisi ne nahi socha tha ke wo itni badi Star banengi.Madhuri ka dance style aur unki ada ke hazaro log aaj bhi deewane hai.

4)Dilip Kumar:

Struggling ke dino superstar Dilip Kumar ke paas studio se ghar jaane tak ke paise nahi hote the.BCCI ke president Mr.PM Rungta unhe ghar jane ke liye paise diya karte hai.Unki behtreen adakari unki pehchan ban gayi.

5)Nawazuddin Siddiqui:

Nawazuddin ka janm kisaan ke ghar me hua tha,aur unhe 8 bhai bahen aur bhi hai. Nawazuddin ne apni padhayi puri karne ke baad chemist ki job ki. Paise ki kami ki wajah se unhe watchman ki bhi naukri karni padi.Nawazuddin ko unke dusky looks ki wajah se har baar reject kiya gaya.Nawazuddin ko film Sarfarosh me pehla role mila,Sarafarosh ke baad unhe apni jagah bollywood me banana 10 saal lag gaye.Gangs of Wasseypur unke liye turning point sabit hua. Ab bade bade Actors aur Directors unke sath kaam karna chahte hai.

6)Neha Dhupia:

Miss India Neha Dhupia ne apne shuraati daur me bahot mehnat ki hai, Neha ne kafi saalo tak models ko back stage help kiya,yaha tak ke unke joote bhi uthane pade. Unka manna hai ke kaam kaam hota hai,bada ya chhota nahi hota.

7)Akshay Kumar:

Khiladi Akshay Kumar Bangkok,Singapore aur India me hi Kapde aur kuch products sell kiya karte the.Agar unhe time milta to wo logo ko flat kharidne ya bechne me unki help karte,taki unhe mil sake.Akshay background dancer bhi reh chuke hai.Bahot kam log jante hai ke unhone apne carrier ki shuruaat Modeling se ki hai.

8)Rajnikanth:

Superstar Rajnikanth ko south me Bhagwan mana jata hai.Rajnikanth star banne se pehle Banglore me bus conductor ki job kiya karte the.Rajnikanth ne 9 saal tak stuggle kiya apna carrier film industry me banane ke liye.

9)Irrfan Khan:

Irrfan Khan ne bhi kuch kam struggle nahi kiya,baat struggling ki ho to Irrfan ka naam aata hi hai.Carrier ke shuruaat me unhone kuch films bhi ki thi jiske liye unhe paise bhi nahi diye gaye.Producer ne yeh tak keh diya ke jiss tarah ka Irrfan Khan ka kaam hai uske to koi paise bhi nahi bante. Lekin aaj unki acting ne unhe dusro se behtar sabit kardiya.

10)Sonu Sood:

Soonu Sood kuch dino pehle film city me shoot kar rahe the,unhone ek bataya ke unhe ek baar film city me entry milne ke liye unhe rishwat tak deni padi thi.Sonu ne carrier ki shuraat modeling se ki ,aur unka struggling period 8 saal ka tha.

11)Govinda:

Govinda Virar k ek chawl me raha karte the.Govinda roz Rajshri Studio ke chakkar lagaya karte the,unhe har baar reject kardiya jata ye kehkar ke unki umr bahot kam hai.Govinda ne ek showreel banayi jisme unhone dancing aur acting ki aur production house ko dikhaya aur wo star ban gaye.Govinda ko 8 saal lag gay ek achha break milne ke liye.

12)Manoj Bajpai:

Manoj bajpayi ke paas paise nahi hua karte the,isliye serial Swabhiman me kaam karne taiyyar hogye.Swabhiman ke liye bajpai ko Rs.2000 mila karte the. Bajpayi ka struggling period 7 saal ka tha.

13)Jackie Shroff:

Ek star banne ke pehle,Jackie teen batti chawl me apna guzara kiya karte the.Studio ya production house jane ke liye wo local train se safar kiya karte the aur kabhi kabhi paidal bhi jana padta tha.Ek role milne ke liye unhe 6 saal lag gaye.

14)Boman Irani

Boman Irani ek actor banne se pehle Taj hotel me waiter ka kaam kiya karte the aur apne maa ke bakery shop me wafers bhi sale kiya karte the.Boman ko film Munna Bhai MBBS se fame mila hai tab unki umr 44 saal thi.Acting carrier ke liye Boman ne 5 saal tak struggle kiya hai.

15)Zeenat Amaan:

Film Hare Rama Hare Krishna  hit hone se pehle,Zeenat Aman ke sari films ek ke baad ek flop hoti rahi.Zeenat Aman ne apni maa ke sath Germany jane ka tak plan karliya tha. Unka struggling period 4 saal ka tha.

16)Arshad Warsi:

Apne comedy se hame entertain karne wale Arshad Warsi Bollywood me aane se pehle door to door jake cosmetics sale kiya karte the,tab Arshad ki umr sirf 17 saal hi thi.Arshad ne 10^th Standard ke baad padhayi chhod di thi. Arshad ka struggling period 7 saal ka tha

Note: Aur Bahot sare Stars hai jisne kafi struggle kiya hai Bollywood me apni pehchan banana ke liye. Koi bhi ek raat me Star nahi ban sakta,uske liye mehnat aur sabr hona bahot zaruri hai.

No Money? No experience? Follow Kare Sirf 5 Steps

    Mera dream tha ke mai ek  “Bollywood Superstar” banu,yaa tv Actor. Main handsome hu aur tall hu yaa beautifull aur hot hu. Toh maine apne parents ko manaya ke muje kuch paise dedo,muje Mumbai jana hai,fir mai Mumbai aagaya. Ab 2 saal se zyada hogaya hai,mai ab bahot pareshan hu,muje ab tak koi role nahi mila,mere paise bhi khatm hogye hai,iss shaher me mera koi nahi,muje koi help karne wala nahi hai,mai bahot depressed hu,Sir please aap meri help kardo,muje actor banna hai,please sir,please sir,please please sir

Ye bahot aam tarah ke emails hai jo casting director ya directors ko roz aate hai.Wo apki pareshani samajh to sakte hai lekin kisi natije par nahi pahoch sakte..

   Kya Iska Koi Ilaaj Hai?

Haa hai!  Bahot sare actors Mumbai aate hai sirf yahi sochke ke star banna hai,agar wo ye soche ke actor banna hai to shayad kaam aasan ho jata. Star wo log banna chahte hai,jinke paas koi experience nahi hai,sirf filmy duniya ki chamak ne unhe ghar chhodne par majbur kiya hai. Agar aap aisa sochte hai,to jaag uthiye,kyunki Mumbai me aajkal talent ki bhi koi kami nahi hai. Mai apko nirash nahi karna chahta,par yahi sachhayi hai. Aap ek actor banna chahte ho to aap safal ho sakte hai.

Aap confused hai ke kaise start kare? Aur apke acting  resume me bhi koi experience,monologue ya showreel nahi hai. Aur aap ek middle class family se bhi ho.Right?Dont Worry!

Mai samajh sakta hu,ke apka bas yahi attitude  hai ke “Actor banne ke liye kuch bhi karega”

Aap fir bina kisi jankari ke,ya kisi ke kehne par Rs.25000 portfolio ko pay karte hai,bade bade acting school me Rs.2lakhs se bhi zyada kharch karte hai. Agar aap financially strong hai,to apko koi chinta ki baat nahi hongi,lekin aap middle class family se ho,to aapne pehle hi itna kharch kardiya ho,to aapko apna toota hua dil leker ghar lautna padta sakta hai.Yaa  itna kuch hone ke baad bhi bahot sare actors galat kadam bhi utha lete hai.

No moneny? No experience? Koi baat nahi,Fir bhi aap ban sakte hai Actor.

FOLLOW KARE 5 STEPS

 1.Planning:

                        Apko bollywood ya tv industry ka knowledge hona bahot zaruri hai.Apko pata hona chahiye ke directors aur casting directors kya hote hai. (picchle post me info di hui hai).Aur aap khud apne aap ko judge kare,kya aapme wo chiz hai jo ek casting director ek actor me chahta hai.

Kaha se milengi jankari?

        Online har k chiz ki jankari di hui hai,twitter,facebook jaise social sites par directors ko follow kare,taki apko audition details mil sake.Online acting blog read kare,youtube par auditions kaise diya jata,aam taur par directors,producer kaha hangout karte hai,wo pata kare.Audition updates ke liye online  co-ordinator ka no. nikale,aur use apne whtsapp group me add karne ki request kare.

2.Action:

                   Mumbai shift hone se pehle sochle ke apko kis chiz ki zarurat hone wali hai.Actor banna hai to apna homework pura kare. Mumbai aane se pehle thoda experience zaroor lele,jaise theatres,skits,road show,talent hunt ya koi beauty contests. Aur Mumbai me lagne wale kharch ko bhi dhayn me rakhe jaise travelling+housing+portfolio+food etc.

3.Experience:

                         ZIMA,Digital Mumbai academy jaise traning centre ke bahar ghumne jaya kare,waha apko academy me sikhne wale students milenge,unhe apne assignment ke liye actors ki zarurat padti hai apne short films me cast karne ke liye,agar aap unse friendship karle to shayad apka kaam ban sakta hai.Wo normally bahot kam pay karte hai,aap ek baar unke film ke liye fix ho jaye,to milenga na apko experience free of cost?  Mumbai me bahot sare theatre hai,aapke liye theatre se behtar koi experience ho nahi sakta.Aise jagah ghumne jaya kare,jaha aap kisi actors  ya directors se mil sakte ho,kyunki industry me contacts bahot fayedmand sabit hote hai. Aap online  sare studios ke address nikale,aur waha week me ek baar zaroor jaye.Aap hi ki tarah apko actors milenge,unse bhi information collect kare,aur apne experience bhi unse share kare taki wo aap par trust kar sake.Bahot sare actors jab Mumbai me pehli baar apna carrier banana ke liye aate hai,to YashRaj studio (Andheri) zaroor jate hai.Apko waha actors mil sakte hai,jisse aap friendship kar sake,aur unse kuch sikh sake.

4.Skills & Marketing:

                                     Har ek actor me ek special quality hoti hai,isliye wo bhid se alag hota hai. Unke special skills unhe auro se alag banate hai. Jaise Amitabh Bachchan,Shahrukh Khan,Salman Khan yaa Rajnikanth,inka apna apna ek style hai. Isliye unke iss style ko bahot log copy karte hai. Aap me wo aisi konsi quality hai,usko janne ki koshish kare,aur use apne act me shamil kare taki audience  apki uss khas quality ko notice kar sake.Aap kisi actor ki naql naa kare,ise bahot bura maana jata hai,aap micmickry artist nahi,ek actor ho.Agar aap un jaisa act kare,to wo fake lagenga.Aur rahi baat marketting ki,agar apko notice hona hai,to kuch chizo ko dhayn me rakhe,jaise FB par apna ek page banaye,apke monologues youtube par share kare ,taki aap apni khud ki marketing kar sake,afterall acting bhi ek tarah ka business hi hai.

5.Depression & Rejections:

                                                Agar aap koi audition dete hai,aur aap select nahi hote,to aap zyada pareshan na ho. Agar aapko koi bhi director reject kare,to bajaye mayus hone ke aap apne skills par zyada dhyan de. Ek best actor wahi hai,jisme rejection sehne ki taqat ho,aur wo har situation ko handle kar sake. Agar aap select nahi hote ho,to iska matlab ye nahi hai ke aap achhe actor nahi ho,ho sakta hai aap us role ke liye fit naa ho. Rejection ko sehna sikhe,apne skills par dhyan de aur aage badhe.

GOOD LUCK !

Top Casting Director Of Bollywood:Ye Bana Sakte Hai Apko Super Star

Kaun Hote Hai Casting Directors?

Jo apko Star banate hai,unko casting director yaa "Star Maker" kaha jata hai. Inka kaam apka audition leker apko shortlist karna, fir apko cast karna hota hai.Unka kaam itna aasan bhi nahi hota, wo actors ko character aur script ke hisab se cast karte hai.Casting directors apko films ke alava tv serials ya commercial ad me apko cast karte hai.
Aajkal casting directors bahot ahem hissa nibha rahe hai,films ko successfull banane  ke liye.


Chaliye jante hai ye top 6 Casting Directors ke bareme:

Shanoo Sharma

Casting directors ki baat ho,aur Shanoo Sharma ki baat na ho,aisa ho hi nahi sakta.Shanoo Sharma casting ki duniya me jana mana naam hai.Shanoo Sharma 'Yashraj Films' ki casting director hai.Shanoo sharma ne Karan Johar ki film Kurbaan ke liye casting ki,unke kaam ko bahot saraha gaya.Shanoo sharma ne bahot sari films me casting ki hai,jaise My name is Khan,

I Hate Luv Story,Yeh sali zindagi,Khoya khoya chand,Band Baja Baaraat,Gunday,Dhoom3 etc.Ranvir singh aur Arjun kapoor ko star banane wala koi aur nahi balki Shanoo sharma hi hai.Shanoo sharma ka busy schedule hone ke baad bhi wo har ek audition clips ko achhi tarah se dekhti hai.Shanoo sharma ki casting team bhi hai,jo unhe casting me assist karti hai.Bahot kam log jante hai Bhumi Pednekar ( Dum Laga Ke Haisha's actress) bhi Shanoo Sharma ko casting me assist kar chuki hai. Bhumi Pednekar ko ek Star banane wali bhi Shanoo Sharma hi hai.Agar aap apna luck azmana chahte hai,to aap Shanoo Sharma ko twitter par follow kare,wo khud audition updates post karti hai.

Contact details

 casting@yashrajfilms.com

Facebook: www.facebook/shanoo-YRFcasting-201876266557914

twitter: https://twitter.com/Shanoozeing

Mukesh Chhabra

Mukesh Chhabra ki casting bollywood me itni famous hai ke log inhe  Casting Chhabra ke naam se jante hai.Ye wo naam hai jo aaj kal industry me kuch zyada hi sunayi de raha hai. Bahot sare actors bhi inke office ke chakkar lagate hue dikhayi de rahe hai.Shuruaat me Chhabra ne casting me Vishal Bhardwaj ko help ki,bas wahi se unki casting ka kaam shuru hua,Mukesh Chhabra ne bataur casting director Imtiyaz Ali ki Film Love Aaj Kal ki casting ki.Chhabra ne Anurag Kashyap ki film 

Gangs of Wassypur ki casting ki,jiski wajah se unke naam bollywood ke top casting directors me shamil hua.Mukesh Chhabra looks se zyada acting talent ko importance dete hai.Chhabra ne Sushant Singh Rajput,Amit Sadh,Rajkumar Rao jaise actors ko launch kiya hai.Aaj kal Chhabra Amir Khan ki  big budget film Dangal ki casting me busy hai.Agar aap chahe to Mukesh Chhabra ke workshops bhi attend kar sakte hai,

Contact details

Address:Aram nagar,Part 2,Bunglow no. 160,JP Road,Andheri West Mumbai

website: casting@mccc.in

twitter: https://twitter.com/CastingChhabra

Interview Video: https://www.youtube.com/watch?v=t499xsiolKU

Nandini Shrikent

Casting Director Nandini Shrikent ne pehle film making ka course kiya,fir unhone film Takshak me apni internship puri ki,Bataur casting director unhone film Lakshya ki casting ki. Unke liye ek bahot bada challenge tha film Lakshy ki casting karna.Iske baad unhone kabhi pichhe mudke hi nahi dekha. Wo aam taur par local actors ko cast karti hai.Jaise agar film ki story agar Haryana se judi hai, to wo sirf haryanvi actors ko cast karna hi thik samajhti hai,taki uss character me wo real touch aa sake.Nandini ne bahot badi badi films ki casting ki hai,jaise Luck by Chance,Rock On!,Student of the Year,Don,Yeh Jawani Hai Deewani,2 States etc.

Contact details

morecasting@gmail.com

Facebook: www.facebook.com/nandini.shrikent 

Interview Video: https://www.youtube.com/watch?v=gbpti5jnptY

        Shruti Mahajan

Casting Director Shruti Mahajan ek ubharta naam hai Casting ki duniya me.Shruti Delhi se hai,aur inka koi plan nahi tha casting karne ke liye.Lekin unke Luck ki wajah se wo aaj ek kamiyab Casting director hai. Shruti ne Ramleela,Mary Kom,Chakravyuh,Finding Fanny,Bajirao Mastani jaise films ki casting ki hai,aur wo abhi bhi kahi bade banner ke film ki casting kar rahi hai.

Contact details

 shrutimcasting@gmail.com

Facebook: www.facebook.com/shruti.mahajan.5855

Vicky Sidana

Casting Director Vicky Sidana ke carrrier ki asli shuruaat Pyaar ka Punchnama se hui,Vicky ne bahot badhiya casting ki hai film ke liye.Vicky ne Kartik Tiwari,Rayo Bakhrita,Divyendu Sharma jaise talented actors industry ko diye hai.Wo har film ke liye aise casting karte hai,jaise unke liye pehli baar ho.Vicky ne Special 26  aur Bodyguard jaisi films ki bhi casting ki hai.Vicky apni puri team ke sath casting karte  hai,aur unhone dheere dheere apni jagah top casting directors me bana li hai.Unke paas filhal  kafi bade projects hai.

Contact details

twitter: https://twitter.com/vickysidana_

Facebook:www.facebook.com/VickySidanaCastingDirector

Interview Video: https://www.youtube.com/watch?v=qWGOcEyo3Yo

                                                              Honey Trehan

            Casting Director Honey Trehan Delhi se hai,aur wo ek theatre actor bhi reh chuke hai. Unhe apne carrier ki shuruaat stage director se ki hai. Vishal Bhardwaj se unki mulaqat ne unke carrier ko ek naya mod de diya. Honey ne Film Makdee me Vishal Bhardwaj ko assist kiya. Vishal Bhardwaj ki films ke liye actors bhi Honey ne cast kiye,isi tarah unka interest direction se casting me lag gaya, aur aaj wo ek bahetreen casting director hai. Honey ne Maqbool jaisi film ki bhi casting ki hai.Amir Khan ke production me bani film Delhi Belly ki casting bhi Honey ne hi ki hai. Iss tarah Honey ke carrier ne ek udaan leli hai. Wo apne iss profession se bahot khush hai.

Contact details

Facebook: www.facebook.com/honey.trehan.3

twitter: https://twitter.com/HoneyTrehan

.....................................................................................................................................................................

                                         

Auditions Steps: Kya Aap Hai Next Superstar?

 

Agar Aap Yeh Audition Steps Follow Na Kare To Aap Ho Sakte Hai Failed

Kya aap jante hai ke auditions me fail hone ke zimmedar aap khud hi hai,to bahane banana band kare ,aur apne galtiyaa sudharne ki koshish kare.

Fir der kis baat ki, bas follow kare kuch steps aur de apna "Star Performance"

1.Self Confidence:  Jab aap audition room me enter ho to sabse pehle ye dhyan rakhe ke apka confidence kahi kam na ho. Agar aap apne aap par trust nahi kar sakte to koi bhi aap par trust nahi karenga.Confidence hi ek aisi chiz hai jo aapme ek casting director dekhna chahta hai, shy aur non confident actors ko kon cast karna chahenga. Jab audition room me enter ho to chehre par halki si smile rakhe, isse pata chalta hai ke aap kitne excited ho perform karne aur apka nature kitna pleasant hai.Agar aap kisi personal problems se bhi guzar rahe hai to uska bhaav apne chehre par naa aane de, afterall aap ek actor hai, khush hone ka dikhava bhi kar sakte hai.Yaad rakhe ke apka confidence ek ahem hissa hai apke carrier ke liye. So be confident!

2.Stress & Nervousness: Audition room ke bahar jab aap waiting me ho to fully relaxed hokar apne audition ka wait kare. Aapke aas paas ke log par bilkul dhyan naa de, kyunki dusro ke nervous expressions dekh kar apka confidence dagmaga jaa sakta hai. Aap ek lambi saans le, aur apne aapko yeh samjhaye ke apko apna best performance dena hi hai. Auditions ko auditions naa samajh ke,use ek perform karne ka mauka samjhe. Waiting room ke bahar aisa koi kaam naa kare , jiski wajah se apka impression kharab ho. Jaise nails ko daaton ke bich chabana, yaa stressed hokar yaha waha ghumna, koi friend mil jaye to gupshup karna yaa fir casting directors ko leker gossip karna. Ho sakta hai director ne apko portfolio me dekh kar hi cast karne ka plan kardiya ho, aur aap shayad apni harkato se apna bana banaya kaam bigaad rahe ho.Aisa karte ho to sambhal jaye.

3.Impression:  Aap jab enter ho audition room me to apka presentation sabse zyada important hai. Jaise pehle bhi kaha hai ke apne chehre par halki si smile rakhe.Aise behave na kare ke apko agar ye role nahi milta hai to aapka life me kuch nahi ho sakta,aur aise bhi behave na kare ke apko koi parwah nahi hai ke aap cast ho ya nahi. Jab aap perform karna start kare to aap sab negativity ko bhul jaye, bas apne performance par dhyan de. Agar cameraman apko action nahi kehta hai, to aap uske action kehne ka wait naa kare, apna act start karde. Kyunki cameraman din me se najane kitne auditions record karta hai,aap uske ishare ko hi signal samjhe.Aur aise perform kare ke ye apka audition nahi balke aap film ke set par ho aur apka solo shot chal raha ho.

4.Script & Character Understanding: Kahi baar aisa hota hai ke apko audition start hone se pehle script di jaati hai, usme bataya hua character aap kis tarah se play karte ho wo bahot important hota hai. Uske hisab se apko cast kiya jata hai. Apki memory bhi sharp honi chahiye taki aap jald se jald script yaad kar sake.Agar aap auditions par late pahochte ho, to please apne excuses naa bataye,isse apka impression kharab ho sakta hai. Sabse pehle apne character ko samjhe,fir sari lines achhe se yaad karle. Agar aap on camera apki lines  bhul jate ho,to apne face par aise expressions aane naa de ke aap lines bhul gaye hai. Aap uss character ko achhe se play karne ke liye kuch natural chize usme add kar sakte hai, jaise agar apko kisi particular word ko sahi se pronounce nahi kar sakte, to uss jaisa aur koi aur word uske jagah par use karle 

(e.g kathinayi : Mushkil).Apke sath jitne bhi actors audition dene aaye ho, wo sabhi best actors honge, lekin extra quality jisme hai yaa fir casting director ko jis tarah ka character chahiye uspe apki casting nirbhar hai.Lines ko sirf line ki tarah sirf read naa kare. Jab tak aap uss character ko samajh nahi paate,tab tak aap ek achhe actor nahi ban sakte.

5.Costumes:Aap uss tarah ke hi costumes pehne jo aap par suit karte ho aur jisme aap comfortable mehsus kare. Jaha se bhi apko auditions details mili ho aur usme dress code mention kiya ho to waisa hi costume pehne. Aur kisi audition update me agar dress code mention kiya hua nahi hai,to apne hisab se koi comfortable clothes hi pehne. Extra bright colors avoid kare. Aap jab camera ke samne perform kar rahe ho tab goggle naa pehne,apki aankhe director ko dikhni chahiye.Behtar hai aap apne auditions outfits alag rakhe. Aur zyada body spray yaa perfumes naa use naa kare,ho sakta hai isse casting directors ya apke sath aaye hue actors ko problem ho.

..................................................................................................................................................................

Note: Agar Apko kisi chiz ke bareme information chahiye to apne comments post kare

Kijiye Shuruaat Apne Acting Carrier Ki

Badshah Of Bollywood "Shahrukh Khan"

Actor Banne Ke Liye Kya Chahiye?

1.Looks: Upar wale ne kisi kisi ko ek God gift diya hota hai, wo hai "Khoobsurti". 
Apki khubsurti apke kaam aa sakti hai (zyadatar tv serials me). Lekin mai iss baat se puri tarah se sehmat nahi hu.Behtar hai aap apne personality par zyada dhyan de.

2.Voice: Ek acchi awaaz hona bhi utna hi zaruri hai,achhe actor ke liye,vocal exercise karna bhi fayedemand sabit ho sakta hai.

3.Languages: Agar apki HINDI  achhi nahi hai to aap jald se jald sikhle.Kyunki bahot sare actors bhasha ki wajah se pareshan hai.

4.Health & Fitness: Looks ke sath sath behtar body hona bhi bahot zaruri hai,aap dekh sakte hai ke kitne actors regular gym jate hai.Daily exercise karne se aapko raat ko nind bhi achhi ayengi aur bimari se door rahonge.

5.Memory: Aksar aisa hota hai ke actors ko shot ke kuch hi der pehle script di jati hai. Aapko lines jaldi yaad karne ke liye apka dimag bilkul tanaav mukt hona zaroori hai.

6.Friendship: Bollywood ya tv industry me agar apni jagah banana hai, to casting directors,producers,cordinators,yaa fir aap jaise actors se dosti karna sikhle. Kuch chize contacts se mil sakti hai.

7.Patience (sabr): Koi bhi role itni aasani se nahi milta, hum jaise hazaro log actor banne ke sapne liye industry me aate hai,lekin kamiyabi use hi milti hai jo sabr karta hai,kyunki sabr ka fal meetha hota hai.

8.Emotions: Industry me apko bahot log milenge jo shayad apke sath achha bartaav naa kare, Lekin aap uss chiz ko positively leker aage badhe.Bahot sare actors isi wajah se atmahatya ka shikar bane hai. Hasna sikhe,kyunki apki hasi ki bhi kimat industry me utni hi hai.


Note:Agar aap upar diye gaye tips ko follow kare to aap bhi ek bahetrein actor ban sakte hai.
GOOD LUCK!